BSNLல் உள்ள ஊழியர் மற்றும் அதிகாரிகள் சங்கங்களின் பொதுச் செயலாளர்கள் மற்றும் பிரதிநிதிகள் கலந்து கொண்ட, ஒரு முக்கியமான கூட்டம், 26.11.2025 அன்று, SEWA BSNL சங்க அலுவலகத்தில் நடைபெற்றது. SEWA BSNL பொதுச் செயலாளர் தோழர் N.D.ராம் தலைமையில் நடைபெற்ற இந்த கூட்டத்தில், அமைப்பாளர் தோழர் அனிமேஷ் மித்ரா, 25.11.2025 அன்று CMD BSNL உடன் நடைபெற்ற விவாதங்கள் தொடர்பாக விவரித்து கூறினார்.
CMD BSNL அறையில் நடைபெற்ற நிகழ்ச்சியையும், குறிப்பாக, தமிழ்நாடு CGM BSNLன் மாற்றல் தொடர்பான பிரச்சனையில், DIRECTOR (HR)ன் ஆட்சேபனைக்குரிய பங்கினையும், பல்வேறு ஊழியர் மற்றும் அதிகாரிகள் சங்கங்களின் தலைவர்கள், ஒட்டுமொத்தமாக கண்டித்தனர்.
மேலும், அடுத்த கட்ட நடவடிக்கை மற்றும் நடைபெற்றுக் கொண்டிருக்கும் போராட்டத்தின், அமைப்பு ரீதியான பிரச்சனைகள் தொடர்பாகவும் அமைப்பாளர் விவரித்தார். மூன்றாவது ஊதிய மாற்றம் தொடர்பான விவாதத்தின் போது, கார்ப்பரேட் அலுவலகத்தின் நிதி பிரிவு எழுப்பி உள்ள ஆட்சேபனைகளை தீர்வு கண்டு, அடுத்த நிர்வாக குழு கூட்டத்தில், ஊதிய உடன்பாடு கோப்பு முன்வைக்கப்படும் என CMD BSNL உறுதி அளித்தார் என்ற தகவலையும் தெரிவித்தார்.
தோழமையுடன்,
S. ஹரிஹரன்,
மாவட்ட செயலர்
தகவல்: BSNLEU மத்திய / மாநில சங்கங்கள்