26.11.2025 அன்று SEWA BSNL சங்க அலுவலகத்தில், BSNLல் உள்ள ஊழியர் மற்றும் அதிகாரிகள் சங்கங்களின் பொதுச் செயலாளர்களும், பிரதிநிதிகளும் கலந்து கொண்ட முக்கியமான கூட்டம் நடைபெற்றது. தோழர் N.D.ராம் GS SEWA BSNL தலைமையில் நடைபெற்ற இந்த கூட்டத்தின் துவக்கத்தில், அமைப்பாளர் தோழர் அனிமேஷ் மித்ரா, 25.11.2025 அன்று CMD BSNL உடன் நடைபெற்ற விவாதங்களை எடுத்துரைத்தார். CMD BSNL அறையில் நடைபெற்ற நிகழ்வையும், தலைவர்களுடன் விவாதிக்கும் பொழுது நடைபெற்ற DIRECTOR (HR)ன் ஆட்சேபனைக்குரிய செயலையும், தலைவர்கள் ஒட்டுமொத்தமாக கண்டித்தனர். நடந்து கொண்டுள்ள இணைந்த போராட்டம் தொடர்பான அமைப்பு ரீதியான பிரச்சினைகளையும், எதிர்கால நடவடிக்கைகளையும் அமைப்பாளர் விளக்கிப் பேசினார்.
விரிவான விவாதங்களுக்கு பின் கீழ்கண்ட முடிவுகள் எடுக்கப்பட்டன:-
1) CMD BSNLக்கு தீர்மானம்:-
25.11.2025 அன்று நடைபெற்ற கூட்டத்தில், DIRECTOR (HR)ன் நடவடிக்கை மற்றும் அணுகுமுறை ஆகியவற்றின் மீது, நமது ஆழ்ந்த அதிருப்தியை தெரிவித்து, CMD BSNLக்கு ஒரு உறுதியான தீர்மானத்தை அனுப்புவது.
2) தமிழ்நாடு மற்றும் சென்னை தலைமை பொது மேலாளர் மாற்றல் பிரச்சனை:-
தமிழ்நாடு மற்றும் சென்னை தொலைபேசி GM HRகளை மாற்றம் செய்கிறோம் என்கிற உறுதிமொழி எதுவும் வழங்கப்படவில்லை என, உறுதியாக நிர்வாகம் மறுத்து, தங்களின் நிலைப்பாட்டை மாற்றிக் கொண்டது. அப்படி உறுதிமொழி கொடுத்திருந்தாலும், தற்போது அதனை வாபஸ் வாங்கி, இரண்டு பொது மேலாளர்களும் மாற்றப்பட மாட்டார்கள் என்று கூறியது. தமிழ்நாடு மற்றும் சென்னை தொலைபேசி தலைமை பொது மேலாளர் மாற்றல் பிரச்சனையில், 15.12.2025க்கு முன்னதாக, இந்த பிரச்சனைக்கு தீர்வு காண வேண்டும் என நிர்வாகத்திற்கு ஒரு கடிதம் வழங்குவது. இந்த பிரச்சனையை நிர்வாகம் தீர்வு காணவில்லை எனில், 15.12.2025க்கு பின், ஒரு நாடு தழுவிய எதிர்ப்பு இயக்கம் நடத்தப்படும்.
3) மூன்றாவது ஊதிய மாற்றம் மற்றும் BSNLன் புத்தாக்கம் - நாடு தழுவிய நடவடிக்கை:-
எதிர்வரும் பாராளுமன்ற கூட்டத்தொடரில், BSNLன் பிரச்சனைகளை மையப்படுத்தி, அனைத்து பாராளுமன்ற உறுப்பினர்களுக்கும், ஒரு பொதுவான மனு வழங்குவது. மூன்றாவது ஊதிய மாற்றம் அமலாக்கப்பட வேண்டும் மற்றும் BSNLஐ பாதுகாக்க, நிர்வாகமும், அரசாங்கமும் ஆக்கபூர்வமான நடவடிக்கைகளை மேற்கொள்ள வேண்டும் எனவும் வலியுறுத்தி 2026 பிப்ரவரி மாதத்தில் ஜந்தர் மந்தரில் தர்ணா நடத்துவது.
4) மாநில மற்றும் மாவட்ட மட்டங்களில் இணைந்த நடவடிக்கைகளை பலப்படுத்துவது:-
மாநில மற்றும் மாவட்ட மட்டங்களில், ஊழியர் மற்றும் அதிகாரிகள் சங்கங்களின் இணைந்த நடவடிக்கைகளை, காலதாமதம் இன்றி மேம்படுத்துவது. உடனடி நடவடிக்கையாக, அந்தந்த மாநில செயலாளர்களுக்கு, அந்தந்த பொதுச் செயலாளர்கள், தேவையான வழிகாட்டுதல்களை வழங்குவது.
5) ஊழியர் மற்றும் அதிகாரிகளின், நீண்ட நாட்களாக தேங்கி கிடக்கும் மனிதவளப் பிரச்சனைகள்:-
CMD BSNLஉடன் விவாதித்தபடி, ஊழியர்கள் மற்றும் அதிகாரிகளின் தேங்கி கிடக்கும் மனிதவள பிரச்சனைகளின் பட்டியலை, சங்கங்களின் கடிதத்துடன் இணைத்து வழங்குவது என்றும் முடிவு செய்யப்பட்டுள்ளது.
மனித வள பிரச்சனைகள் தீர்வு காண்பதில், வலுவான ஒற்றுமையுடன் முன்னேறுவது என்கிற முடிவோடு, இந்த கூட்டம் நிறைவு பெற்றது.
தோழமையுடன்,
S. ஹரிஹரன்,
மாவட்ட செயலர்
தகவல்: BSNLEU மத்திய / மாநில சங்கங்கள்