மத்திய தொழிற்சங்கங்களுடன், நிதிநிலை அறிக்கைக்கு முன்பான ஆலோசனையை, நிதி அமைச்சகம் நடத்தியது.

2025, நவம்பர் 20 ஆம் தேதி, நிதி அமைச்சகம், மத்திய தொழிற்சங்கங்களுடன் நிதிநிலை அறிக்கைக்கு முன்பான ஆலோசனையை நடத்தியது.  நிதிநிலை அறிக்கையை இறுதி செய்யும் முன், தொழிற்சங்கங்களின் கருத்துக்களை, பாரம்பரியமாக அரசாங்கம் கேட்டு வருவதால், இது எப்போதும் நடைபெறக்கூடிய ஒரு நிகழ்ச்சி தான். இந்த கூட்டத்தில், நிதிநிலை அறிக்கையில் சேர்க்கப்பட வேண்டிய பல முக்கியமான கோரிக்கைகளையும், கருத்துகளையும், அனைத்து தொழிற்சங்கங்களின் பிரதிநிதிகளும் எழுப்பினர்.  EPF மற்றும் ESI ஆகிய சமூக நல திட்டங்களின் வரம்புகளுக்கு வெளியே, பெரும்பாலான தொழிலாளர்களும், ஊழியர்களும் இருப்பதால், இவற்றை விரிவுபடுத்த வேண்டும் என்ற கோரிக்கை முக்கியமாக முன்னிலைப் படுத்தப்பட்டது.  EPF திட்டத்தின் கீழான ஓய்வூதிய தொகையை உயர்த்த வேண்டும் என்றும், தொழிற்சங்கங்கள், அரசாங்கத்தை வலியுறுத்தி உள்ளன.

குறிப்பிடத்தக்க பங்களிப்பை செலுத்தி வரும் திட்ட ஊழியர்களின்  அலவன்ஸ்கள், ஒப்பிட்டளவில் மிகக் குறைவாக இருப்பதால், அவர்களை அவற்றை உயர்த்த வேண்டும் என்பதும் தொழிற்சங்கங்கள் முன்வைத்த மற்றொரு முக்கியமான கோரிக்கை. தணிக்கை செய்யப்படும் அரசு திட்டங்களின் எண்ணிக்கை குறைந்து வருவதை சுட்டிக்காட்டி, அரசுத் திட்டங்கள் போதுமான அளவில் தணிக்கை செய்யப்படாததற்கு, தங்களுடைய ஆழ்ந்த  அதிருப்தியையும்,  தொழிற்சங்க தலைவர்கள் தெரிவித்தனர்.  அரசு செயல்பாட்டின் வெளிப்படைத்தன்மை மற்றும் நம்பகத் தன்மை ஆகியவற்றிற்கு, முறையான தணிக்கை அவசியம் என்பதை அவர்கள் வலியுறுத்தியுள்ளனர்.

அமெரிக்காவின் இறக்குமதி வரிகள் மூலம் அரசுக்கு நெருக்கடி தருவதை சுட்டிக்காட்டிய தலைவர்கள், ஏற்றுமதி அடிப்படையிலான வளர்ச்சியை அதிகம் நம்பிக் கொண்டிருப்பதற்கு பதிலாக, உள்நாட்டு சந்தையை விரிவுபடுத்த முன்னுரிமை தர வேண்டும் என்றும் கேட்டுக் கொண்டனர். CITU, AITUC, HMS, AIUTUC, SEWA மற்றும் AICCTU ஆகிய சங்கங்களின் பிரதிநிதிகள் இந்த கூட்டத்தில் பங்கேற்றனர். 

தோழர் அனிமேஷ் மித்ரா, GS., BSNLEU