2025, நவம்பர் 26ஆம் தேதி, உறுதியான எதிர்ப்பு இயக்கங்களை நடத்த வேண்டும் என, இந்திய நாடு முழுவதும் அனைத்து துறைகளிலும் பணியாற்றும் உழைக்கும் மக்களை, மத்திய தொழிற்சங்கங்களின் இணைந்த மேடை, அறைகூவல் விடுத்துள்ளது. தொழிலாளர் தொகுப்புகள் அமலாக்கப்படுவதற்கு எதிராக நடத்தப்படும் இந்த தேசம் தழுவிய இயக்கம், சம்யுக்தா கிஷான் மோர்ச்சா (SKM) என்கிற பதாகையின் கீழ் திரண்டுள்ள விவசாயிகளோடு ஒன்றிணைந்து, நடத்தப்படுகிறது. தொழிலாளர் தொகுப்புக்கள் ரத்து செய்யப்பட வேண்டும், ஷ்ரம் சக்தி நிதி - 2025 வரைவு மசோதா திரும்பப் பெற வேண்டும் என்கிற கோரிக்கைகளை, உழைப்பாளி வர்க்கம் முன்வைக்க வேண்டும் என, அந்த அறைகூவல் கேட்டுக் கொண்டுள்ளது.
அன்றைய தினம், நமது எதிர்ப்பை தெரிவிக்கும் வகையில், பணியிடங்களில் பணியாற்றும் பொழுது, கருப்பு பட்டைகளை அணிந்து பணியாற்ற வேண்டும் என, இணைந்த மேடை கேட்டுக் கொண்டுள்ளது. செல்வங்களை உருவாக்கும் உழைக்கும் வர்க்கம், மோசமான சுரண்டலுக்குள் தள்ளப்படும் நோக்கத்துடன், மத்திய ஆட்சியாளர்கள் கடைபிடிக்கும் தொழிலாளர் விரோத, கார்ப்பரேட் ஆதரவு அஜெண்டாவை, மக்கள் மத்தியில் அம்பலப்படுத்தும் வகையில், எதிர்வரும் திங்கட்கிழமை முதல் வாயில் கூட்டங்களையும், தெருமுனை கூட்டங்களையும், போர்கால அடிப்படையில் நடத்திட வேண்டும்.
காணொளி காட்சி மூலம் நடைபெற்ற BSNL ஊழியர் சங்கத்தின் மத்திய செயற்குழு, ஷ்ரம் சக்தி நிதி - 2025 மற்றும் தொழிலாளர் தொகுப்புகளின் மோசமான அம்சங்களை ஆழமாக பரிசீலித்தது. இந்த பிரச்சனைகளின் மீது சக்தி வாய்ந்த பிரச்சார இயக்கத்தை நடத்துவது என்றும் மத்திய செயற்குழு முடிவு செய்துள்ளது. அதன் அடிப்படையில், நவம்பர் 26 ஆம் தேதி, நமது அலுவலக வாயில்களிலோ அல்லது பொதுவான இடங்களிலோ, சக்தி வாய்ந்த ஆர்ப்பாட்டங்களை நடத்த வேண்டும் என BSNL ஊழியர் சங்கம் அறைகூவல் விடுக்கிறது. இந்த இயக்கத்தை, AIBDPA மற்றும் BSNLCCWF தலைவர்களோடு ஒன்றிணைந்து, அவர்கள் உறுப்பினர்களையும் இணைத்து, வெற்றிகரமாக நடத்திட வேண்டும் என, மத்திய சங்கம் கேட்டுக் கொள்கிறது.
தோழர் அனிமேஷ் மித்ரா, GS., BSNLEU